Yafahamu mafanikio ya TBA katika miaka minne ya Rais Dk Samia Suluhu Hassan

Wakati ikiwa imetimia miaka minne ya uongozi wa Rais wa Tanzania Dk Samia Suluhu Hassan tayari maendeleo katika sekta mbalimbali nchini yame­onekana kwa kiasi kikubwa kama ilivyo azma yake ya maendeleo na ustawi wa nchi.

Moja ya sekta hizo ni ujen­zi ambapo kupitia Wakala wa Majengo Tanzania (TBA), kumeshuhudiwa maende­leo makubwa ambapo Seri­kali imefanikiwa kutekeleza miradi mingi ya ujenzi wa majengo kwa ajili ya sekta za afya, ofisi, makazi ya vion­gozi na watumishi wa umma kwa ubora unaotakiwa.

Hatua hiyo ya kutekeleza miradi hiyo mikubwa, inata­jwa kuongeza wigo wa kutoa huduma na kurahisisha utendaji kazi katika sekta hizo. Utekelezaji wa miradi hiyo ni kama ifuatavyo:

Miradi ya kimkakati

Serikali imeendelea kutekeleza miradi mikubwa ya kimkakati ambapo kupitia TBA imefanya usimamizi wa miradi ya ujenzi wa vihenge vya kisasa na maghala ya kuhifadhia nafaka katika mikoa minane nchini. Mikoa hiyo inajumuisha Dodoma, Shinyanga, Katavi, Rukwa, Songwe, Njombe, Ruvuma na Manyara ambapo tayari mradi katika mikoa ya Man­yara, Katavi na Rukwa ime­shafunguliwa na Rais kwa nyakati tofauti.

Utekelezaji wa mradi huo ni moja ya jitihada za Serikali za kukuza uchumi kwa wakulima na kucho­chea maendeleo ya viwanda pamoja na kuongeza uwezo wa uhifadhi wa chakula nchini.

Pia, Serikali imefanikiwa kutekeleza mradi wa ujenzi wa jengo la Ofisi ya Rais Iku­lu Chamwino ambapo TBA imefanya ubunifu wa jengo hilo ambalo ni jengo pacha na jengo la Ofisi ya Rais Ikulu Dar es Salaam na kusimamia ujenzi wake ambao umeka­milika kwa asilimia 100. Ofisi ya Ikulu Chamwino ilifun­guliwa na Rais wa Jamhuri ya Muungano wa Tanza­nia, Mhe. Dk Samia Suluhu Hassan Mei 20, 2023 Jijini Dodoma.

Vilevile, Serikali ime­fanikiwa kutekeleza mradi wa ujenzi wa mji wa Seri­kali Mtumba awamu ya pili ambapo TBA imefanya ubu­nifu wa majengo yote na sasa inasimamia ujenzi wa majengo 17 ya wizara na taa­sisi 4 na kujenga jengo moja la Ofisi ya Rais, Menejimenti ya Utumishi wa Umma na Utawala Bora kama Mkan­darasi ambalo tayari lime­shakamilika na kuanza kutu­mika.

Pia, Serikali kupitia TBA inasimamia mradi wa ujenzi wa Kituo cha Pamoja cha Forodha (OSBP) kilichopo Kasumulu mpakani mwa Tanzania na Malawi. Mradi huo uliwekwa jiwe la msingi na Dk Samia mnamo Agosti 07, 2022.

Aidha, pamoja na miradi hiyo TBA inaendelea na usi­mamizi wa miradi ya ukara­bati wa viwanja vya michezo vya Benjamini Mkapa na Uhuru jijini Dar es Salaam.

Miradi ya fedha za ruzuku

Katika kipindi cha hii mia­ka minne Serikali kupitia TBA imefanikiwa kutekeleza miradi mbalimbali kwa kutu­mia fedha za ruzuku. Miradi hiyo inajumuisha mradi wa ujenzi wa nyumba za makazi za Magomeni Kota awamu ya kwanza ambapo kaya 644 tayari zinaishi.

Ujenzi wa nyumba hizo ulienda sambamba na ujen­zi wa maduka ya kisasa na soko la wafanyabiashara wadogo (machinga) kwa ajili ya kutoa huduma kwa waka­zi wanaoishi katika nyumba hizo.

Upo pia, mradi wa ujenzi wa nyumba 3500 za watu­mishi wa umma katika eneo la Nzuguni ‘B’ Jijini Dodo­ma ambao uliwekwa jiwe la msingi na Makamu wa Rais wa Jamhuri ya Muungano wa Tanzania Mhe. Dk Philip Mpango Novemba 30, 2022.

Serikali imefanikiwa kutekeleza mradi huo ikiwa ni hatua ya kupunguza uha­ba wa nyumba kwa watu­mishi mbalimbali wa Umma jijini humo kwa kuanza awamu ya kwanza ya ujen­zi wa nyumba 150 ambazo zimeshakamilika na kuanza kutumika.

Vilevile, awamu ya pili ya ujenzi wa nyumba nyingine 150 umefikia asilimia 27. ujenzi wa nyumba hizo 3500 utajumuisha ujenzi wa mag­horofa 100 aina ya Villa yenye ukubwa wa mita za mraba 335 kila moja, nyumba kub­wa 200 aina ya Bungalow zenye ukubwa wa mita za mraba 190 kila moja, nyumba 300 za saizi ya kati zenye ukubwa wa mita za mraba 100 kila moja, maghorofa yenye jumla ya nyumba 800 za ukubwa tofauti tofauti, maghorofa yenye jumla ya nyumba 1000 za ukubwa wa mita za mraba 100 kwa kila nyumba na huku nyumba 1100 zikiwa za saizi ya kati zenye ukubwa wa mita za mraba 120 kila moja.

Pamoja na uwepo wa nyumba hizo, pia eneo hilo kutakuwa na huduma mbalimbali za kijamii amba­po kutajengwa shule tano za awali, nyumba za ibada (misikiti na makanisa), kituo cha biashara, kituo cha afya, kituo cha polisi, eneo la michezo, eneo la mapumziko, barabara na mandhari ya nje.

Aidha, mradi mwingine uliotekelezwa kupitia fedha za ruzuku ni ule wa ujen­zi wa nyumba 20 za vion­gozi katika eneo la Kisasa jijini Dodoma. Mradi huo umekamilika na umepun­guza uhaba wa nyumba za makazi ya viongozi ulioji­tokeza mara baada ya Seri­kali kuhamishia makao yake makuu jijini Dodoma.

Upo pia, mradi wa ujen­zi wa majengo mawili ya ghorofa manane yenye uwezo wa kuchukua familia 16 kwa kila jengo moja kwa ajili ya makazi ya watumi­shi wa umma katika eneo la Magomeni kota. Miradi hiyo imetekelezwa katika awamu ya pili ambayo tayari ime­shakamilika na kuanza kutu­mika.

Jengo la awamu ya kwan­za lilifunguliwa rasmi Machi 29, 2023 na Waziri wa Ujenzi na Uchukuzi (wakati huo) Mhe. Prof. Makame Mbar­awa. Pia jengo la awamu ya pili lilifunguliwa rasmi Julai 23, 2024 na Waziri wa Ujen­zi (wakati huo) Mhe. Inno­cent Bashungwa.

Pia TBA inaendelea na utekelezaji wa mradi wa ujenzi wa majengo men­gine mawili ya ghorofa nane yenye uwezo wa kuchukua familia 16 kila moja kwa aji­li ya watumishi wa umma katika eneo hilo la Magome­ni Kota ambayo yamefikia asilimia 35 na 20.

Katika eneo la Temeke Kota mradi wa ujenzi wa nyumba za watumishi wa umma unaendelea na sasa umefikia asilimia 40 ya utekelezaji. Vilevile Seri­kali kupitia TBA imefani­kiwa kukamilisha ujenzi wa nyumba nne za majaji katika Mikoa ya Tabora, Kiliman­jaro, Mtwara, na Shinyanga.

Na pia, TBA imefaniki­wa kukamilisha miradi ya ukarabati wa nyumba za Serikali zinazosimamiwa na TBA kwa lengo la kuboresha makazi na kuchochea uwa­jibikaji kwa watumishi na viongozi kwa umma.

Aidha, katika kipindi cha miaka minne ya Dk Samia, Serikali kupitia TBA imefan­ikiwa kuanza utekelezaji wa mradi wa ujenzi wa jengo la ghorofa saba lenye uwezo wa kuchukua familia 14 kwa ajili ya makazi ya watumi­shi wa Umma katika eneo la Ghana Kota jijini Mwanza ambalo limefikia asilimia 25 ya utekelezaji.

Miradi iliyotekelezwa kwa fedha za mapato ya ndani

Katika hii miaka minne, Serikali kupitia TBA ime­tekeleza miradi kwa fedha za mapato za ndani. Miradi hiyo inajumuisha ujenzi wa jengo la makazi la Biashara katika eneo la Simeon jiji­ni Arusha lenye uwezo wa kuhudumia familia 22 lililo­kamilika na kuzinduliwa na Makamu wa Rais wa Tanza­nia Mhe. Dk Philip Mpango Agosti 04, 2023.

Miradi mingine inaju­muisha ujenzi wa jengo la makazi la ghorofa sita lenye uwezo wa kuchukua familia 12 katika eneo la Ex- Canadian Masaki ambalo limeshakamilika na sasa linatumika. Jengo hilo lili­funguliwa rasmi Machi 29, 2023 na Waziri wa Ujenzi na Uchukuzi (wakati huo) Mhe. Prof. Makame Mbara­wa. Pia, TBA inaendelea na ujenzi wa majengo mawili ya ghorofa sita yenye uwezo wa kuchukua familia 12 kila moja katika eneo hilo amba­po utekelezaji wake umefika asilimia 80 na 65.

Katika eneo la Ghana Kota jijini Mwanza, TBA inaende­lea kutekeleza mradi wa ujenzi wa jengo la makazi la ghorofa sita lenye uwezo wa kuchukua familia 12 amba­lo limefikia asilimia 50 ya utekelezaji.

Vilevile kwa kutumia fedha za mapato ya ndani, Serikali kupitia TBA ime­fanikiwa kutekeleza mradi wa ujenzi wa nyumba tatu kila mkoa ambazo zimejen­gwa katika mikoa ya Simiyu, Morogoro, Rukwa na Katavi.

Aidha, TBA imefanikiwa kutekeleza mradi wa Ujenzi wa nyumba 12 za watumi­shi wa Umma katika mkoa wa Mtwara, nyumba tatu katika Mkoa wa Tanga, nyumba nane katika Mkoa wa Pwani pamoja na kukara­bati nyumba za watumishi wa umma katika maeneo mbalimbali nchini. Vile vile, TBA inaendelea kutekeleza mradi wa ujenzi wa nyumba 16 za watumishi wa Umma katika Mkoa wa Mtwara ambapo utekelezaji wake umefikia asilimia 25.

Majengo ya ofisi na hospi­tali

Katika kipindi hiki cha miaka minne ya uongozi wa Dk Samia madarakani, TBA imefanikiwa kutekele­za miradi mbalimbali ya washitiri. Miradi hiyo ina­jumuisha miradi ambayo inatekelezwa na TBA kama Mkandarasi au mkanda­rasi na mshauri elekezi au mshauri elekezi pekee au msimamizi wa mradi (proj­ect manager).

Miradi hiyo inajumuisha Mradi wa ujenzi wa Hos­pitali ya Rufaa ya Kanda, Chato. Mradi huo ulitem­belewa na Rais Dk Samia, Oktoba 15, 2022. Miongoni mwa majengo yaliyojengwa kwenye hospitali hiyo katika awamu ya kwanza na ya pili ni pamoja na jengo la wag­onjwa wa nje (OPD), jengo la Mionzi, jengo la famasi pamoja na jengo la dharura.

Pia TBA inaendelea na ujenzi wa jengo la wodi ya kulaza wagonjwa ambalo ujenzi wake umefikia asilim­ia 89 huku awamu ya tatu ya ujenzi wa majengo ya moch­wari, sehemu ya kufulia na kutakasia vifaa tiba, jengo la kuzalishia hewa tiba ikiwa imefikia asilimia 68.

Vilevile, Serikali kupitia TBA imekamilisha ujenzi wa jengo la Huduma ya afya ya Mama na mtoto katika Hospitali ya Rufaa ya Mkoa wa Mwanza Sekou-Toure ambapo ujenzi wake ume­kamilika kwa asilimia 100. Jengo hilo lilifunguliwa na Makamu wa Rais Mhe. Dk Philip Isdor Mpango, Sep­temba 13, 2022.

Pia, Serikali kupitia TBA imekamilisha ujenzi wa jen­go la wagonjwa wa dharura na jengo la wagonjwa mahu­tuti katika Hospitali ya Rufaa ya Mkoa wa Katavi na ujenzi wa jengo la upasuaji, vifaa tiba na wodi ya mama na mtoto katika Hospitali ya Rufaa ya Mkoa wa Mbeya.

Kadhalika, Serikali ime­fanikiwa kutekeleza mradi wa ujenzi wa jengo la ofisi ya Mkuu wa Mkoa wa Mbeya ambalo liliwekwa jiwe la msingi na Rais Dk Samia Suluhu Hassan Agosti 05, 2022 sasa umekamilika na kuanza kutumika.

Mradi mwingine ni pamo­ja na mradi wa ujenzi wa jengo la ofisi ya Mkuu wa Wilaya ya Mkalama amba­lo lilifunguliwa na Waziri Mkuu Mhe. Kassim Majali­wa Majaliwa Julai 17, 2022.

Ujenzi wa nyumba za makazi za viongozi wakuu wastaafu

Serikali kupitia TBA ime­fanikiwa kukamilisha mradi wa ujenzi wa nyumba za viongozi wastaafu ambapo mnamo Mei, 2021 Rais Dk Samia alimkabidhi nyumba ya kuishi Rais Mstaafu wa Awamu ya Nne, Dk Jakaya Mrisho Kikwete iliyojengwa katika Wilaya ya Kinondoni jijini Dar es Salaam.

Pia, Serikali imefani­kiwa kutekeleza mradi wa ujenzi wa nyumba ya Rais wa awamu ya Tano Hayati Dkt. John Pombe Magufuli ambapo Novemba 5, 2023 Rais Dk Samia alimkabi­dhi nyumba hiyo mjane wa Hayati Dk Magufuli Jijini Dar es Salaam. Nyumba hizo zimejengwa na Serikali kupitia TBA ambayo ilikuwa Mkandarasi na Mshauri Ele­kezi ikiwa ni utekelezaji wa kifungu namba 12 cha She­ria ya mafao ya hitimisho la kazi kwa viongozi wa siasa.

Katika kutekeleza maju­kumu yake, TBA imefani­kiwa kuendelea kutekele­za malengo iliyojiwekea kwenye Mpango Mkakati wake wa Mwaka 2021/22- 2025/26, Dira ya Maende­leo 2025, utekelezaji wa Ilani ya Chama cha Map­induzi ya Mwaka 2020/25 chini ya Kifungu cha 55 ((h) (i-vii)) pamoja na Malengo ya Maendeleo Endelevu (SDGs).

Hii inatokana na usi­mamizi thabiti wa viongozi wanaoteuliwa kuongoza Wizara ya Ujenzi pamoja na Menejimenti ya Wizara kwa ujumla. Pia viongozi wa Wizara wameendelea kutoa ushirikiano na miongozo mbalimbali ambayo ime­pelekea TBA kufikia mafani­kio hayo.