Urusi imesema siku ya Jumatatu, Februari 24, kwamba imefikia makubaliano na Ukraine kuwahamisha wakaazi wa eneo la Urusi la Kursk, ambalo kwa kiasi fulani linakaliwa na jeshi la Ukraine, na kwamba tayari wako katika mkoa wa Sumy nchini Ukraine, kulingana na mashirika ya habari ya serikali ya Urusi.
Imechapishwa:
Dakika 1
Matangazo ya kibiashara
“Kuna watu (wakazi wa eneo la Kursk) ambao tayari wako Sumy leo. “Makubaliano yamefikiwa na Shirika la Msalaba Mwekundu na upande wa Ukraine kwa ajili ya kuhamishwa hadi Urusi kupitia Belarus,” mwanaharakati wa haki za binadamu kutoka Urusi Tatiana Moskalkova alinukuliwa akisema na mashirika ya habari ya Ria Novosti na Tass. Hakuna maelezo zaidi yaliyotolewa na vyombo hivi vya habari vya serikali.
Mamlaka ya Ukraine haijatoa tangazo lolote kuhusu taarifa hii mara moja. Kyiv ilikuwa inaunga mkono uhamishaji kama huo, ikiwa Moscow ingeomba. Jeshi la Ukraine lilivamia eneo la Urusi la Kursk mnamo Agosti 2024 na, licha ya shambulio kuu la Urusi, bado linachukua mamia ya kilomita za mraba katika eneo hilo, ambalo Kyiv inatarajia kulitumia kama suluhisho la mazungumzo katika tukio la mazungumzo na Moscow. Urusi inachukuwa takriban 20% ya eneo la Ukraine na imefutilia mbali hoja ya kubadilishana maeneo.
Hayo yanajiri wakati siku ya Jumapili jioni, Volodymyr Zelensky alihakikisha kwamba yuko tayari kuachia madaraka kwa kubadilishana na Ukraine kujiunga na NATO.
Washington pia inaandaa mkutano wa kilele kati ya Donald Trump na mwenzake wa Urusi Vladimir Putin, na imeuchukulia uanachama wa Ukraine katika NATO kuwa sio kweli.
Rais wa Ufaransa Emmanuel Macron atakutana na Rais wa Marekani Donald Trump siku ya Jumatatu jioni. Anasema “amejitolea” kuhakikisha kuwa “usalama wa nchi za Ulaya unaibuka kuimarishwa” kutokana na mazungumzo hayo.
