Rais wa Tume ya Ulaya Ursula von der Leyen yuko katika ziara ya siku mbili nchini India. Lengo ni kujadili mikataba ya kibiashara na kuonyesha kutoegemea upande wowote kwa New Delhi kwa Ukraine. Kazi hiyo inaonekana ngumu, lakini Brussels inataka kuamini kuwa tangu kurejea kwa Donald Trump, mambo yanaweza kubadilika.
Imechapishwa:
Dakika 1
Matangazo ya kibiashara
Na mwanahabari wetu huko Bangalore, Côme Bastin
Katika ulimwengu wenye hali mbili tofauti, Ulaya inataka kukuza mahusiano yake na India ili kufanya kazi kama mpinzani kwa China katika eneo la Indo-Pacific na kupata ufikiaji wa soko lake kubwa kwa kampuni za Ulaya. Kuwasili kwa Donald Trump kunaweza kuharakisha ukaribu huu.
Mkataba wa biashara huria
Ursula Von der Leyen anazuru New Delhi ili kukuza makubaliano ya biashara huria kati ya India na Umoja wa Ulaya. Majadiliano yamekwama tangu mwaka 2007, lakini hali mpya ya siasa za kijiografia inaweza kufufua mahusiano ya nchi hizi mbili.
“Muktadha wa sasa umejaa sintofahamu na mizozo, huku China ikijidai na Marekani ya Trump ikijionyesha kuwa na fursa nyingi, hii inasukuma Umoja wa Ulaya kuimarisha ushirikiano wao wa kimataifa,” anaeleza Shairee Malhotra, naibu mkurugenzi wa Wakfu wa Observer Research Foundation, huko New Delhi. Wakati hali ya uchumi ikiwa katika msukosuko, mamlaka hizo mbili zinaonekana kuwa dhabiti na zinashiriki maadili. “
India, kuwa na jukumu katika Ukraine?
Suala lingine, ni lile la Ukraine. India inakataa kuachana na Moscow, mshirika wa kihistoria tangu kuanza kwa mzozo. Lakini je, Narendra Modi anaweza kuwa na jukumu kwa rafiki yake Vladimir Putin? Majaribio ya nchi za Magharibi kufanya hivyo yameshindwa kwa miaka mitatu, lakini mbele ya uhusiano unaoonekana kuimarika kati ya Marekani na Urusi, India inaweza kutaka kuchukua jukumu kubwa zaidi katika mazungumzo hayo. Angalau ndivyo Brussels inavyotarajia.
