Kigali imeishutumu Brussels kwa kuhujumu mara kwa mara Rwanda kutokana na mashambulizi ya M23 nchini Kongo.
Imechapishwa: Imehaririwa:
Dakika 1
Matangazo ya kibiashara
Ubelgiji na Rwanda zinawatimua wanadiplomasia wao katika kujibu kuhusiana na mzozo unaoendelea mashariki mwa Jamhuri ya Kidemokrasia ya Kongo.
Siku ya Jumatatu Rwanda ilitangaza kuwa imevunja uhusiano wa kidiplomasia na Ubelgiji, na kuwapa wanadiplomasia wa Ubelgiji saa 48 kuondoka nchini humo.
Waziri wa Mambo ya Nje wa Ubelgiji, Maxime Prevot, alielezea hatua hiyo kuwa “isiyo na uwiano,” akiongeza kuwa Brussels itatangaza wanadiplomasia wa Rwanda kuwa ni watu wasiostahili.
Kwa nini Ubelgiji na Rwanda zinatofautiana kuhusu Kongo
Tangu Januari, vuguvugu la waasi la M23 linaloungwa mkono na Rwanda limeteka miji miwili mikubwa mashariki mwa Kongo. Jumuiya ya kimataifa ililaani hili kama kuongezeka kwa mzozo wa muda mrefu uliotokana na mauaji ya halaiki ya Rwanda mwaka 1994 na vita vya kutafuta rasilimali za madini za Kongo.
Rwanda inakanusha kuunga mkono M23 lakini haikanushi kuwa na wanajeshi wake nchini Kongo. Umoja wa Mataifa unakadiria kuwa Kigali ina takriban wanajeshi 4,000 nchini Kongo.
Ubelgiji, ukoloni wa zamani nchini Kongo na Rwanda, uliongoza wito wa EU kusitisha makubaliano ya malighafi ya 2024 na Rwanda.
“Ubelgiji kwa uwazi inaegemea upande mmoja katika mzozo wa kikanda na inaendelea uhamasishaji wake dhidi ya Rwanda kwa utaratibu katika vikao tofauti, kwa kutumia uongo na hila ili kupata maoni ya uhasama yasiyo ya haki ya Rwanda, katika jaribio la kuvuruga pande zote mbili za Rwanda na kanda nzima,” Kigali ilisema katika taarifa yake Jumatatu.
Serikali ya Kongo na waasi wa M23 walisema watatuma wajumbe kwenye mazungumzo ya amani nchini Angola siku ya Jumanne. Lakini muda mchache baadaye siku ya Jumatatu vuguvugu la waasi la M23 linaloungwa mkono na Rwanda lilitagaza kwamba halitashiriki mazngumzo hayo ambayo yalipangwa kufanyika Luanda, nchini Angola.
