Sibi Lawson-Marriot, mwakilishi wa Shirika la Mpango wa Chakula Duniani (WFP) na Sarah Nguyen, afisa usalama wa shirika hili, wamefukuzwa nchini Burundi siku ya Ijumaa, Februari 14, 2025.
Imechapishwa:
Dakika 1
Matangazo ya kibiashara
Nambari 1 wa WFP nchini Burundi na afisa wa usalama waliondoka nchini humo wakitumia ndege ya RwandAir . Serikali ilikuwa imewapa saa 48 kuondoka, baada ya kuwafahamisha kuhusu kufukuzwa kwao.
Chanzo cha mgogoro: maelekezo ya usalama wa ndani yaliyotumwa kwa wafanyakazi ambayo yalivujishwa kwenye mitandao ya kijamii, yakiwataka kuweka akiba ya chakula cha wiki mbili, maji, mafuta ya nyumbani na pesa taslimu iwapo kutatokea tatizo la usalama. Maagizo haya yamepitishwa kwa wafanyakazi wote.
Haikubaliki kwa serikali ya Burundi, ambayo maagizo haya yanalenga kuzua hofu kwa mabalozi na raia. Kwa hivyo maafisa hao wawili walishutumiwa kwa “kuhatarisha usalama wa taifa” na kulazimishwa kuondoka nchini.
Mzozo huu unakuja katika hali ambayo mvutano unaongezeka nchini Burundi, inayoshirikiana kijeshi na Kinshasa katika vita vyake dhidi ya M23 inayoungwa mkono na Rwanda, ambayo inasonga karibu na mpaka wake.
