Wiki chache baada ya kukamatwa kwake, mwanzilishi wa chapa ya Moshions amefikishwa mbele ya Mahakama ya Mwanzo ya Kicukiro mjini Kigali siku ya Jumanne, Mei 6. Moses Turahirwa ameshtakiwa kwa matumizi ya dawa za kulevya kufuatia machapisho yenye utata kwenye mitandao ya kijamii.
Imechapishwa:
Dakika 1
Matangazo ya kibiashara
Na mwanahabari wetu mjini Kigali, Lucie Mouillaud
Mbele ya majaji wa Mahakama ya Mwanzo ya Kicukiro mjini Kigali, ambaye amefikishwa siku ya Jumanne, Mei 6, mbunifu wa mitindo Moses Turahirwa, 36, amekiri kutumia dawa za kulevya, lakini amepinga madai ya mwendesha mashtaka kuhusu wingi wa bangi iliyopatikana nyumbani kwake, pamoja na mashtaka ya kupatikana na hatia ya ulanguzi yaliyotolewa na mwanasheria wa serikali.
Akionekana wazi kufikishwa mahakamani, mwanzilishi wa chapa ya Moshions pia aliomba radhi kwa machapisho yake kwenye mtandao wa kijamii wa Instagram ambapo alimkosoa rais wa Rwanda, na kuongeza, hata hivyo, kwamba “sikufikiria kamba nilikamatwa kwa uchunguzi wa madawa ya kulevya” lakini kwa sababu ya “ujumbe ambao nilichapisha […], ambao tayari nimemwomba rais wa nchi msamaha” – jambo ambalo mwendesha mashtaka alikanusha.
Mwezi uliopita, alichapisha msururu wa jumbe (sasa zimefutwa) kwenye mtandao wa kijamii ambapo aliwakosoa viongozi wa Rwanda kwa “kumfunga jela isivyo haki” babake na kuongeza: “Sijawahi kumsamehe Kagame.” Pia aliandika kuwa alilia siku ambayo mkuu wa nchi alianza kuvaa nguo zake.
Kesi kusikilizwa tena siku ya Ijumaa, Mei 9
Alikamatwa jioni ya Aprili 22, mwanamitindo huyo pia amesema “aliamshwa na watu wengi waliokuwa mbele ya lango [lake]” na “wakavunja mlango” wakati “alipochelewa kufungua.”
Mahakama inatazamiwa kutoa uamuzi siku ya Ijumaa, Mei 9, kuhusu ombi la wakili wake la kuachiliwa kwa dhamana, haswa ili Moses Turahirwa atafute msaada wa matibabu kwa uraibu wake. Kwa upande wake, mwendesha mashtaka anaomba kuendelea kuzuiliwa, akiangazia hukumu ya hivi majuzi ya mwanamitindo huyo mwanzoni mwa mwaka 2024, pia kwa matumizi ya dawa za kulevya. Serikali ya Rwanda kwa upande wake haijatoa maoni yoyote baada ya kuchapishwa kwa jumbe za Moses Turahirwa kwenye Instagram wala kukamatwa kwake.
