Ikulu ya rais wa Afrika Kusini siku ya Jumamosi, Machi 15, imetaja hatua ya kufukuzwa kwa balozi wake nchini Marekani ni ya “kusikitisha”, akishutumiwa na mkuu wa diplomasia ya Marekani Marco Rubio kwa “kumchukia” Donald Trump na kumtangaza kuwa “hastahiki” nchini Marekani.
Imechapishwa:
Dakika 2
Matangazo ya kibiashara
“Ofisi ya Urais imepokea hatua ya kusikitisha ya kufukuzwa kwa Balozi wa Afrika Kusini nchini Marekani, Bw. Ebrahim Rasool,” imesema taarifa iliyotolewa na Pretoria, ambayo imesema “imedhamiria kujenga uhusiano wa kunufaisha” na Washington.
Siku ya Ijumaa Machi 14, 2025, Waziri wa Mambo ya Nje wa Marekani Marco Rubio alimtaja balozi wa Afrika Kusini nchini Marekani kuwa “hastahiki” nchini Marekani, akisema “anachochea mivutano ya rangi.” Maneno “ya kusikitisha” kulingana na ofisi ya rais wa Afrika Kusini.
Ebrahim Rasool “anachochea mivutano ya rangi, anachukia Marekani, na anamchukia Rais” Donald Trump, ameandika Marco Rubio kwenye mtandao wa kijamii wa X, na kuongeza kuwa mwanadiplomasia huyo wa Afrika Kusini “hakaribishwi tena” mjini Washington na sasa anachukuliwa kuwa “hastahiki.”
Ebrahim Rasool, balozi wa Afrika Kusini mjini Washington tangu Januari 2025, alikuwa tayari ameshikilia wadhifa huu hapo awali. Uamuzi huu unakuja huku kukiwa na ugumu wa uhusiano kati ya Marekani na Afrika Kusini.
Tangu arejee Ikulu ya Marekani mwezi Januari, Donald Trump ameishutumu Pretoria kwa kuwatendea vibaya vizazi vya walowezi wa Ulaya,” hata kuunda utaratibu wa hifadhi nchini Marekani kwa “wakimbizi wa Afrikaners.”
Historia ya mvutano
Mbali na kukata misaada yote kwa Afŕika Kusini, aliamua kwamba Maŕekani ingehimiza “kupatia makazi mapya” wale “wanaokimbia ubaguzi wa rangi unaochochewa na seŕikali,” kulingana na rais Donald Trump.
Elon Musk, mzaliwa wa Afrika Kusini na mshirika mkubwa wa Donald Trump, pia ameishutumu serikali ya Afrika Kusini kwa kuwabagua watu weupe.
Jambo lingine kuu la mzozo kati ya Pretoria na Washington ni malalamiko ya “mauaji ya halaiki” yaliyowasilishwa mwaka 2023 na Afrika Kusini dhidi ya Israeli mbele ya Mahakama ya Kimataifa ya Haki (ICJ) huko Hague.
Mwezi Februari, Rais wa Afrika Kusini Cyril Ramaphosa alisema alitaka kuzuru Marekani, akikiri kwamba “kila kitu kilionekana kuwa kimeenda kinyume” kati yake na Donald Trump tangu watu hao wawili walipomtaka rais wa Marekani kurejea madarakani.
