Shirikisho la Soka barani Afrika limefanya mkutano wake mkuu wa 14 usio wa kawaida leo Jumatano, Machi 12, mjini Cairo. Kama ilivyotarajiwa, Patrice Motsepe amechaguliwa tena kuwa rais, Samuel Eto’o amejiunga na kamati ya utendaji na Mmauritania Ahmed Yahya amejiunga na Baraza la FIFA. Kwa upande mwingine, rais wa shirikisho la soka la Senegal, Augustin Senghor, na raia wa Ivory Coast Yacine Idriss Diallo wameanguka katika uchaguzi huo.
Imechapishwa:
Dakika 1
Matangazo ya kibiashara
Patrice Motsepe anarejea kimya kimya kwa muhula wa pili wa miaka minne kama mkuu wa Shirikisho la Soka Afrika. Mgombea pekee wa nafasi yake, Mwafrika Kusini amechaguliwa tena siku ya Jumatano “ili kuendeleza ajenda ya kuendeleza soka la Afrika,” imetangaza CAF. Mkutano mkuu huu uliofanyika mbele ya Rais wa FIFA Gianni Infantino, mjini Cairo umebadilisha sura ya CAF.
Kwanza, katika kamati ya utendaji, ambapo Samuel Eto’o amechaguliwa kama mjumbe baada ya kukataliwa hapo awali. Akiwa ndiye mgombea pekee katika kinyang’anyiro kutoka Umoja wa Shirikisho la Soka la Afrika ya Kati (Uniffac), Mcameroon huyo amechaguliwa hata kwa kupigiwa makofi. Lakini kulingana na habari zetu, Eto’o hatachukua nafasi ya mtani wake Seidou Mbombo Njoya kama makamu wa rais wa CAF licha ya pendekezo kutoka kwa Motsepe. Mchezaji huyo wa zamani mwenye umri wa miaka 44 anasemekana kutoa nafasi kwa kaka yake raia wa Gabon, Pierre-Alain Mounguengui (mwenye umri wa miaka 67). Rais wa shirikisho la soka la Cameroon anatarajiwa kurithi kiti cha urais wa kamati. Atakaa katika kamati ya utendaji pamoja na Mkongo Bestine Kazadi Ditabala, makamu wa 5 wa rais wa CAF akichukua nafasi ya Kanizat Ibrahim kutoka Comoro.
Wajumbe wapya wa Kamati ya Utendaji ya CAF: Walid Sadi (Algeria), Wallace John Karia (Tanzania), Kurt Okorako (Ghana), Bestine Kazadi (Congo), Mustapha Raji (Liberia).
Wawakilishi sita wa CAF kwenye Baraza la FIFA: Djibrilla Hima Hamidou (Niger), Fouzi Lekjaa (Morocco), Souleiman Hassan Waberi (Djibouti), Hany Abou Rida (Misri), Ahmed Yahya (Mauritania), Kanizat Ibrahim (Comoro).
