Kremlin siku ya Jumatano, Februari 12, imetupilia mbali wazo la kubadilishana maeneo yanayokaliwa kati ya Kyiv na Moscow kama sehemu ya mazungumzo ya amani, uwezekano uliotolewa siku moja kabla na Rais wa Ukraine Volodymyr Zelensky.
Imechapishwa:
Dakika 3
Matangazo ya kibiashara
“Haiwezekani. “Urusi haijawahi kujadili na haitawahi kujadili mabadilishano yanayohusisha eneo lake,” amesema msemaji wa rais wa Urusi, Dmitry Peskov, akihakikishia kwamba vikosi vya Ukraine vinavyokalia sehemu ya eneo la Kursk “vitaangamizwa” au “kufukuzwa,” shirika la habari la AFP limenukuu.
Katika mahojiano na Gazeti la The Guardian, Rais wa Ukraine Volodymyr Zelensky aliibua uwezekano wa kubadilishana maeneo kabla ya ziara yake kwenye mkutano wa usalama wa Munich. Anatarajiwa kukutana na Makamu wa Rais wa Marekani J.D. Vance wakati ambapo Rais wa Marekani Donald Trump anatoa matamshi kadhaa ambayo yanatia wasiwasi katika Kyiv, kama vile wakati wa pili anafikiria Ukraine ya Urusi. Mashambulio ya makombora na ndege zisizo na rubani zilizozinduliwa na Moscow kwenye Kyiv zinaonyesha kwa vyovyote vile kwamba rais wa Urusi “hajitayarishi kwa amani”, Volodymyr Zelensky aamebainisha siku ya Jumatano, Februari 12.
Volodymyr Zelensky huongeza uwezekano wa kubadilishana maeneo. Katika taarifa hizi, rais wa Ukraine anarudia jambo ambalo limerudiwa mara nyingi hapa: lengo la Kyiv ni kurejesha maeneo yake kama yanatambuliwa na jumuiya ya kimataifa. Hii ina maana ya kurejesha maeneo yote au sehemu ya maeneo yaliyochukuliwa kinyume cha sheria na Urusi. Kuna mikoa ya Donetsk, Luhansk na Crimea, pamoja na sehemu zilizochukuliwa za mkoa wa Zaporizhzhia, Kherson na Kharkiv.
Akizungumzia ubadilishanaji huo, Volodymyr Zelensky alisema kuwa kwa sasa hakuna swali la kuamua ni eneo gani litahusika. Lakini ili kujipa uwezekano wa mabadilishano hayo, imekuwa zaidi ya miezi sita tangu Ukraine ilipofanya mashambulizi katika eneo la Kursk na kuchukua sehemu ya eneo la Urusi. Tangu kuanza kwa operesheni hizi Agosti iliyopita, Ukraine haijawahi kukusudia kuchukua eneo hili la Urusi, lakini badala yake kuitumia kama njia ya mazungumzo, pamoja na kutumia chuki hii kama njia ya kugeuza sehemu ya wanajeshi wa Urusi kutoka maeneo ya mstari wa mbele wa Ukraini.
Dhana ya kusitisha mapigano
Volodymyr Zelensky pia anadai kuwa Ulaya pekee haitaweza kutoa dhamana ya kutosha ya usalama kwa Ukraine katika tukio la usitishaji vita. Hii inabaki kuwa dhana kwani hakuna kilichoamuliwa. Lakini ikiwa tutajiweka katika ile ya usitishaji mapigano, ni lazima ikumbukwe kwamba Ukraine, kwa sasa, ingekataa chaguo hili mradi tu ifikirie kuwa haina dhamana za kutosha za usalama.
Rais Volodymyr Zelensky, anasema ikiwa dhamana hizi hutolewa na Wazungu peke yao, haitoshi. Anatoa mfano wa uwasilishaji wa mfumo wa ulinzi wa anga wa Patriot kudhihirisha umuhimu wa mchango wa Marekani kwa ulinzi wa Ukraine kwa vifaa ambavyo havilinganishwi katika utendakazi kwa upande wa Ulaya.
Hofu ya Ukraine ni kwamba usitishaji vita wowote ambao hauambatani na dhamana itakuwa ni fursa tu kwa Vladimir Putin kuwakusanya tena wanajeshi wake ili kuanzisha tena mashambulizi dhidi ya Ukraine wakati atakapoona Urusi ina uwezo wa kufanya hivyo. Kwa mtazamo wa kyiv, hii ndiyo chaguo ambayo lazima iondolewe katika tukio la mazungumzo.
Zelensky na Vance wanakutana Munich
Mkutano wa Usalama wa Munich unakaribia kufunguliwa. Rais wa Ukraine na Makamu wa Rais J.D. Vance wanatarajiwa kshiriki mkutano huu. Mkutano huu utaashiria wakati muhimu katika uhusiano kati ya Kyiv na Washington. J.D. Vance, alipokuwa seneta, alionyesha mara kwa mara dharau kwa Ukraine na rais wake. Pia alikuwa amekataa kukutana naye alipokuwa seneta na alikuwa ametangaza kwamba hajali hatima ya Ukraine kwa chochote kilichotokea huko.
Lakini J.D. Vance atakuwa Munich kama makamu wa rais wa Donald Trump. Trmp ameelewa kuwa kunaweza kuwa na maslahi ya kiuchumi kwa ajili yake na kwa Marekani kusaidia Ukraine, hasa kwa kutumia rasilimali adimu ya madini ya nchi chini ya uvamizi wa Urusi tangu mwaka 2014. Rasilimali hasa katika lithiamu na titanium ambayo Washington au Brussels wangependelea kuwa na udhibiti badala ya kuziona zikipita katika mikono ya Urusi au China. Hii ndiyo sababu pia Waziri wa Hazina wa Marekani Scott Bessent atazuru Ukraine hivi karibuni, kama vile Keith Kellogg, mjumbe maalum wa Marekani nchini humo.
