Nchini Guinea, ujumbe kutoka Mahakama ya Kimataifa ya Uhalifu (ICC) kwa sasa uko Conakry. Kama kila mwaka, ICC inaunga mkono mamlaka katika kuandaa kesi ya Septemba 28, kuhusu mauaji ya zaidi ya watu 150 na ubakaji wa takriban wanawake mia moja katika uwanja wa Conakry chini ya utawala wa Kapteni Moussa Dadis Camara Septemba 28, 2009.
Imechapishwa:
Dakika 2 Wakati wa kusoma
Matangazo ya kibiashara
Akiwa na hatia ya uhalifu dhidi ya ubinadamu, rais huyo wa zamani alisamehewa hivi majuzi kwa sababu za kiafya na Jenerali Mamadi Doumbouya, uamuzi ambao unafanya baadhi ya sauti kusikika kwa ujumbe huu wa ICC, hasa kwa wawakilishi wa wahasiriwa.
Tangu ICC ianze kuchunguza mauaji ya Septemba 28, 2009, takriban misheni kumi ya tathmini imefanywa mjini Conakry ili kuhakikisha kwamba dhamira ya mamlaka ya Guinea katika kutoa haki kwa wahasiriwa inaheshimiwa.
Mwendesha mashtaka Karim Khan mwenyewe alifanya ziara hadi Conakry kesi ilipofunguliwa mwaka wa 2022 na “akakaribisha kufunguliwa kwa kesi hiyo miaka 13 baadaye,” katika mkataba wa makubaliano uliotiwa saini na rais wa mpito Mamadi Doumbouya, aliyekuwa afisa wa jeshi wa cheo cha kanali wakati huo.
Lakini kwa msamaha uliotolewa kwa Moussa Dadis Camara karibu miezi miwili iliyopita, chini ya mwaka mmoja baada ya kutiwa hatiani kwa “uhalifu dhidi ya ubinadamu,” mkataba huu umedhoofishwa, kwa mujibu wa Kifungu chake cha 4 ambacho kinaonyesha kwamba ICC inaweza kuchukua kesi yenyewe ikiwa itabainisha “hatua yoyote inayoweza kudhuru vibaya uendelezaji wa haki katika shughuli za mahakama au kizuizi chochote kinachohusika na utendakazi wa mahakama.”
“Ni mamlaka ya hiari ya Rais wa Jamhuri, lakini msamaha wa rais unatiliwa shaka. Unakuja tu baada ya uamuzi wa mwisho katika kesi ya kisheria. Wakati kila mtu akisubiri kusikilizwa kwa rufaa hiyo kufunguliwa, msamaha huu uliotolewa unakiuka kanuni za msingi za mashauri ya haki, kadiri uamuzi wa msamaha kwa upande wake ulifanywa wakati hatua za mwisho za kesi hii hazijafikiwa,” amesema Alseny Sall, anayehusika na mawasiliano katika OGDH, ambayo inawakilisha waathiriwa.
OGDH pia inasikitishwa na “chaguo la watu waliopitishwa” na mamlaka kuhusu fidia kwa waathiriwa. Watu 334 pekee waliondio wanahusika, wakati karibu watu 500 walikuwa vyama vya kiraia katika kesi hiyo.
