Mfahamu papa mpya: Robert Francis Prevost, mtu wa usanisi wa wastani na papa wa kwanza Mmarekani

Mmarekani Robert Francis Prevost, 69, ambaye siku ya Alhamisi amekua papa wa kwanza katika historia kutoka Merikani, ni mtu anayesikiliza na kusanisi, aliyeainishwa kati ya watu wa wastani, na anajua ardhi na utendaji wa ndani wa Vatican. Askofu “lazima asiwe mwana mfalme mdogo anayeketi katika ufalme wake, lazima awe karibu na watu anaowahudumia na kutembea nao, kuteseka nao,” aliiambia tovuti ya Vatican News mnamo 2024.

Kadinali aliyteuliwa mwaka wa 2023 na Papa Francis, ambaye alianda hadi kufika Vaticani, kabla ya kuchaguliwa kwake alikuwa mwanachama wa dicasteries saba (sawa na wizara huko Vaticani). Robert Francis Prevost hasa amekuwa akishikilia idara hii yenye nguvu ya Maaskofu, ambayo ilimfanya kuwa mshauri wa hayati PapaFrancis juu ya uteuzi wa maaskofu.

Papa Francis alimthamini sana mtu huyu, ambaye mara nyingi anaelezewa kuwa mwenye busara na mtulivu, ambaye alijizamisha kwa miaka mingi kuwa “pembezoni,” maeneo haya ambayo yalikuwa mbali au ambayo hapo awali yalipuuzwa na Kanisa. Robert Francis Prevost mwenye asili ya Ufaransa, Italia na Uhispania, mzaliwa wa Chicago alitumia jumla ya miongo miwili huko Peru, ambako aliendesha kazi ya umisionari na kuwa Askofu Mkuu Mstaafu wa Chiclayo, kaskazini mwa nchi.

Lakini pia ana sifa ndani ya Curia, serikali ya Vaticani, kama mtu wa wastani anayeweza kupatanisha maoni tofauti. Wavaticani walimfanya kuwa kipenzi chao kati ya makadinali wa Marekani kabla ya uchaguzi, kwa kuzingatia tajriba yake ya kikazi, maono yake ya jumla na uwezo wake wa kuendesha urasimu wa Vaticani.

Mmarekani mdogo zaidi wa Wamarekani

Gazeti la kila siku la Italia La Repubblicamekuwa “Mmarekani mdogo zaidi kati ya Wamarekani” kwa sababu ya sauti yake ya wastani. Ujuzi wake wa kina wa sheria za kanuni pia umemfanya kuwa mwenye kutia moyo machoni pa makadinali wahafidhina ambao walitamani kuzingatia zaidi theolojia.

Baada ya kifo cha Francis, alisema “bado kuna mengi ya kufanya” ndani ya Kanisa. “Hatuwezi kuacha, hatuwezi kurudi nyuma.”Lazima tuone Roho Mtakatifu anataka nini kwa Kanisa la leo na kesho, kwa sababu ulimwengu wa leo, ambamo Kanisa linaishi, si sawa na ulimwengu wa miaka kumi au ishirini iliyopita,” alisema mwezi Aprili. “Ujumbe bado ni uleule (…) lakini njia ya kufikia watu leo, vijana, maskini, wanasiasa, ni tofauti,” alisema.

Kabla ya kuwa Papa, hakuwa karibu na mrengo mkali zaidi wa Marekani ambao uko madarakani leo. Ni kinyume kabisa. Katika machapisho yake ya hivi majuzi kwenye mitandao ya kijamii, anapinga waziwazi utawala wa Trump kuhusu suala la wahamiaji. Anasahihisha hata Makamu wa Rais J.D. Vance, Mkatoliki ambaye alikuwa mtu wa mwisho kukutana na papa aliyefariki.

Kadinali Robert Francis Prevost ambaye alizaliwa Septemba 14, 1955, alisoma katika seminari ndogo ya Order of Saint Augustine, ambapo aliingia mwaka wa 1977. Alihitimu katika theolojia, pia ana diploma katika hisabati. Alitawazwa kuwa kasisi mwaka wa 1982, alitumwa miaka miwili baadaye kama mmishonari nchini Peru, nchi ambayo alikaa kwa miaka mingi. Alirudi Chicago mnamo mwaka 1999 kama mkuu wa mkoa wa Waagustino wa Midwest, kisha kiongozi mkuu mnamo mwaka 2001.

Mwaka 2014, Papa Francis alimteua kuwa msimamizi wa kitume wa Jimbo la Chiclayo, kaskazini mwa Peru. Mnamo mwaka wa 2023, Kadinali Prevost aliteuliwa kuwa gavana wa Baraza lenye nguvu la Maaskofu, mojawapo ya kazi muhimu sana katika serikali ya Vaticani.

Mwaka 2014, Papa Francis alimteua kuwa msimamizi wa kitume wa Jimbo la Chiclayo, kaskazini mwa Peru. Mnamo mwaka wa 2023, Monsinyo Prevost aliteuliwa kuwa gavana wa Baraza lenye nguvu la Maaskofu, mojawapo ya kazi muhimu sana katika serikali ya Vatikani. Katika nafasi hii ya kimkakati, alimrithi Kadinali Marc Ouellet wa Canada, anayeshutumiwa kwa unyanyasaji wa kijinsia, ambaye alijiuzulu kwa sababu za umri.

Kadinali Prevost pia ni rais wa Tume ya Kipapa ya Amerika ya Kusini.

Kwa kuchagua jina la Leo XIV, Kardinali Robert Francis Prevost anachukua nafasi kutoka kwa mtangulizi wake Francis, lakini pia kutoka kwa Leo, Leo XIII, ambaye alikuwa papa kutoka mwaka 1878 hadi mwaka 1902. Kwa Geneviève Delrue, mwandishi wa habari wa zamani wa RFI na mtaalamu wa dini, jina la papa ni “programu.” “Wakati [Papa Francis] alipochagua jina la Fransis, [akimaanisha] Fransis wa Assisi, ilimaanisha kwamba angekuwa papa wa maskini, wa wasiorithiwa na dunia, n.k., na wa mazingira, ambapo tutakumbuka, bila shaka, Laudato Si, waraka wake maarufu juu ya mazingira, ambao utabaki kuwa waraka mkubwa wa upapa wake,” anafafanua.

Papa mpya “atakuwa na njia yake mwenyewe, ambayo haitakuwa nakala ya ile ya Papa Francis,” lakini kwa maneno yake ya kwanza “alijiweka katika mwendelezo, sio tu kwa kuibua kuonekana kwa Papa Francis wakati wa Pasaka, lakini pia kwa kuzungumza juu ya Kanisa linaloendelea na kutoa wito kwa watu wote kujenga madaraja,” rais wa Mkutano wa Maaskofu wa Ufaransa, Eric de Moulins-Beaufort, ameliambia shirika la habari la AFP.

Kwa upande wake Padre Arsène Brice Bado, Mjesuti na mtafiti wa sayansi ya siasa, anasema hili ni moja ya mwendelezo, ishara nzuri kwa Afrika.

Natumaini kwamba ataweza kuzungumza na moyo wa mamlaka ya ulimwengu na kwamba tutaweza kumsikiliza si kama mgeni, lakini kama mmoja wao ambaye anaweza kubadilisha mambo katika mtazamo wa haki, amani, upatanisho …