Kwa siku kadhaa, tetesi zimekuwa zikienea kwamba baraza la mawaziri wa mambo ya nje wa Umoja wa Ulaya, linalokutana leo, litajumuisha viongozi tisa wapya kutoka Rwanda na kampuni moja katika orodha yake kwa nafasi yao katika mzozo wa mashariki mwa Jamhuri ya Kidemokrasia ya Kongo. Orodha ambayo tayari ilikuwa tayari, lakini ambayo ilikataliwa mnamo mwezi wa Februari 2025.
Imechapishwa:
Dakika 2
Matangazo ya kibiashara
Ingawa Kongo haimo katika ajenda ya kikao cha Baraza la Masuala ya Kigeni, vyanzo vya kidiplomasia vimetuthibitishia kuwa vikwazo vipya vya watu binafsi vitawekwa leoJumatatu Machi 17, 2025. Kwa hivyo wale wanaohusika watapigwa marufuku kusafiri kwenda Ulaya na mali zao huko zitazuiliwa.
Watu tisa na kampuni moja wanalengwa. Orodha ambayo tayari ilikuwa imeanzishwa kabla ya mkutano wa awali wa mawaziri wa mambo ya nje wa Umoja wa Ulaya Februari 24. Siku chache kabla, wabunge wa Umoja wa Ulaya walipigia kura azimio la kutaka “kusitishwa kwa misaada ya moja kwa moja ya kibajeti kwa Rwanda hadi ikamilishe masharti yanayohusiana, miongoni mwa mambo mengine, kupata misaada ya kibinadamu na kukata uhusiano wote na M23.”
Kwa mshangao wa kila mtu, Luxembourg kisha ikaweka kura yake ya turufu siku ya kupiga kura, ikisema kwamba michakato ya kikanda ya EAC na SADC inapaswa kupewa nafasi. “Ni muhimu, kabla ya kutaka kuweka vikwazo dhidi ya Rwanda, kusubiri matokeo haya, kwa muda wa siku tatu au nne zijazo ili kuona kama tunakwenda katika mwelekeo sahihi,” alisema waziri wa mambo ya nje wa Luxembourg, Xavier Bettel. Mkutano wa mawaziri wa mambo ya nje wa mashirika mawili ya kikanda, uliokuwa umepangwa kufanyika Februari 28 ili kubaini hatua zinazofuata, ulisitishwa na hatimaye kuahirishwa hadi Jumatatu, Machi 17.
Tayari vikwazo vya Marekani, Ujerumani na Canada
Kukabiliana na kizuizi hiki, nchi wanachama ziliongoza kwa upande mmojakwa kuchukuwa hatua. Hii ni kesi ya Ujerumani, ambayo ilitangaza Machi 4 kuwa inasitisha msaada wake wa maendeleo kwa Rwanda. Lakini Berlin haikuwa peke yake kuchukua aina hii ya hatua. Mnamo Februari 20, Marekani iliweka vikwazo vya kibinafsi dhidi ya James Kabarebe, mshauri maalum wa sasa wa Rais wa Rwanda Paul Kagame, na Lawrence Kanyuka, msemaji wa M23, na makampuni yake makubwa ya Kingston Fresh LTD na Kingston Holding, yaliyosajiliwa nchini Uingereza. Nchi nyingine wakati huo zilifuata mkondo wa Washington, kama vile Uingereza, ambayo hata hivyo ilikuwa mshirika mkubwa wa Kigali, na Canada. Maamuzi yaliyochukuliwa kuwa ya masikitiko na Rwanda.
“Rwanda haiogopi kutengwa,” Waziri wa Mambo ya Nje wa Rwanda Olivier Nduhungirehe aliliambia Gazeti la kila siku la Le Monde wakati wa ziara yake ya kidiplomasia barani Ulaya. “Vikwazo ambavyo vimechukuliwa dhidi yetu na baadhi ya mataifa kwa kweli vinaenda kinyume na taratibu za upatanishi za Afrika. Wanamfanya Félix Tshisekedi kuamini kwamba kinachohitajika ni vikwazo vya Ulaya kuwekwa ili mzozo huo utatuliwe,” aliongeza mkuu wa diplomasia ya Rwanda.
