Rais wa Marekani Donald Trump ametangaza “mkutano huko Munich” siku ya Ijumaa, Februari 14, kati ya “maafisa wakuu kutoka Urusi, Ukraine na Marekani.” Kufuatia taarifa hii, Ukraine imesema haikupanga kushiriki.
Imechapishwa:
Dakika 1
Matangazo ya kibiashara
Rais wa Marekani Donald Trump amesema siku ya Alhamisi, Februari 13, kwamba maafisa wa Marekani na Urusi watakutana siku inayofuata mjini Munich, Ujerumani, ambako mkutano wa kila mwaka wa usalama unafanyika, na kwamba mwaliko huo pia umetolewa kwa Ukraine.
“Urusi itakuwepo, na watu wetu. Ukraine pia imealikwa, “rais wa Marekani ameongeza. “Sijui ni nani hasa atakuwepo, kutoka nchi gani, lakini wawakilishi wa ngazi za juu kutoka Urusi, Ukraine na Marekani. “
Ilipoulizwa kwa maelezo zaidi, Ikulu ya White House imekataa kutoa maoni juu ya tangazo hilo. Hakuna maoni ya mara moja yaliyopatikana kutoka kwa ubalozi wa Urusi huko Washington na ujumbe wa kidiplomasia wa Urusi kwa Umoja wa Mataifa.
Kyiv amesema kuwa haikuwa na mpango wa kushiriki katika mkutano huo uliotangazwa na rais wa Marekani. “Msimamo wa pamoja uliokubaliwa (na washirika wa Kyiv) lazima uwe mezani kwa mazungumzo na Urusi. […] Kwa sasa, hakuna kitu kwenye meza. “Mazungumzo na Urusi hayajapangwa,” Dmytro Lytvyn, mshauri wa Rais wa Ukraine Volodymyr Zelensky, amewaambia waandishi wa habari.
“Msimamo wa Ukraine bado haujabadilika. Ukraine lazima kwanza kuzungumza na Marekani. “Ulaya lazima ishiriki katika majadiliano yoyote mazito kwa ajili ya amani ya kweli na ya kudumu,” ameongeza.
