Mahakama ya Kimataifa ya Haki inachunguza leo Alhamisi malalamiko ya Sudani dhidi ya Falme za Kiarabu kwa “kuhusika katika mauaji ya kimbari” huko Darfur. Khartoum inaiomba mahakama kutambua jukumu la Imarati na kuwalazimisha kulipa fidia. Falme za Kiarabu, ambazo mara zote zimekuwa zkikanusha kuunga mkono RSF, inashutumu hili kama “uzushi” na inaiomba ICJ kukataa ombi hili.
Imechapishwa:
Dakika 2
Matangazo ya kibiashara
Katika ombi lililowasilishwa Machi 4, Khartoum inashutumu UAE kwa kutoa msaada mkubwa wa “fedha, kisiasa na kijeshi” kwa Wanajeshi wa Msaada wa Haraka (RSF). Usaidizi wa pande nyingi: “msaada wa kifedha”, “uwasilishaji wa silaha”, “vifaa vya kijeshi”, na hata “mafunzo ya mamluki”.
Kwa hivyo Imarati wanajifanya “kushiriki katika mauaji ya halaiki” dhidi ya kabila la Massalit la Sudani huko Darfur Magharibi. Kwa mujibu wa Umoja wa Mataifa, kati ya watu 10,000 na 15,000, hasa kutoka jamii ya Massalit, waliuawa na wanamgambo wa Jenerali Hemetti huko El-Geneina mwaka 2023. Kulingana na Khartoum, uhalifu uliofanywa na Rapid Support Forces (RSF) huko Darfur haungewezekana bila “uungwaji mkono wa moja kwa moja wa Falme za Kiarabu”.
Mnamo mwaka wa 2024, wataalam wa Umoja wa Mataifa waliona shutuma “za kuaminika” kwamba Falme za Kiarabu zilisafirisha silaha kwa wanamgambo wa Sudani kupitia uwanja wa ndege wa Amdjarass wa Chad. Mnamo mwezi wa Januari mwaka huu, wabunge wa Marekani walidai kuwa utoaji huu wasilaha ulikuwa ukiendelea. Hii ilikuwa licha ya shinikizo kutoka kwa Marekani, ambayo ilitishia kuzuia uuzaji wa silaha kwa Imarati.
Moja ya mambo yanatarajiwa kujadiliwa siku ya Alhamisi wakati wa vikao huko Hagueni uwezo wa Mahakama ya Kimataifa ya Haki (ICJ) katika kesi hii, anasema Florence Morice, kutoka timu ya wahariri kitengo cha Afrika. Ingawa Imarati wametia saini Mkataba wa mwaka 1948 wa Kuzuia Uhalifu wa Mauaji ya Kimbari, hawatambui mamlaka ya ICJ kuwahukumu chini ya mkataba huu. Khartoum inahoji kuwa uhifadhi huu uliofanywa na Imarati hauna thamani yoyote ya kisheria, kwa sababu kuruhusu serikali kukwepa majukumu yake katika suala la kuzuia mauaji ya halaiki itakuwa sawa na kufuta mkataba wa dutu yake…
Ikumbukwe pia kwamba maamuzi ya ICJ yana nguvu za kisheria, lakini haina uwezo wa kuyatekeleza. Kwa mfano, iliiamuru Urusi kusitisha operesheni zake za kijeshi nchini Ukraine wiki chache tu baada ya uvamizi huo, lakini haikufaulu.
