Wakati mazungumzo huko Doha yakiwa yamekwama, ingawa yanaendelea chini ya shinikizo kutoka kwa wapatanishi, Israeli inatishia kuendeleza operesheni yake ya kijeshi hadi Gaza. Mashambulizi kwenye eneo hilo ymesababisha karibu wahasiriwa zaidi ya 30, kulingana na mashirika ya misaada ya ndani.
Imechapishwa:
Dakika 2 Wakati wa kusoma
Matangazo ya kibiashara
Shirika la Ulinzi la Raia la Gaza limetangaza siku ya Jumapili vifo vya watu 33, “zaidi ya nusu yao wakiwa watoto,” katika mashambulizi ya Israeli kwenye eneo lililozingirwa. Msemaji wa shirika hilo, Mahmoud Bassal, ameripoti “msururu wa mashambulizi makali ya Israeli baada ya usiku wa manane na alfajiri ya leo (Jumapili) katika maeneo tofauti ya Ukanda wa Gaza.”
Takriban Wapalestina 22 wameuawa na 100 kujeruhiwa “katika shambulio kwenye mahema ya watu waliotoroka makazi yao katika eneo la Al-Mawassi” huko Khan Younes (kusini), Mahmoud Bassal amesema. Huko Jabalia (kaskazini), takriban watu saba wameuawa katika shambulio ambalo limepiga nyumba yao, kulingana na Mahmoud Bassal.
Tangu Machi 18, Israeli imezidisha mashambulizi yake katika eneo hilo kwa maandalizi ya mashambulizi ya ardhini yanayoitwa “”Gideon’s Chariots.” Jeshi la Israeli limetangaza siku ya Jumamosi “upanuzi” wa mashambulizi yake huko Gaza kwa “mashambulio makubwa” na kutumwa kwa vikosi “kudhibiti maeneo” ya jimbo hilo.
Kwa mujibu wa Gazeti la Sunday Times, mpango wa kijeshi wa Israel ni kulikata Ukanda wa Gaza katika sehemu kadhaa.
Kwa mujibu wa Gazeti la Sunday Times, Israel itagawanya Ukanda wa Gaza katika sehemu kadhaa.
Wito wa kusitisha mapigano unaongezeka, lakini mazungumzo huko Doha yanaonekana kukwama. Hakujawa na mafanikio katika mazungumzo yanayofanyika katika mji mkuu wa Qatar, anaripoti mwandishi wetu mjini Jerusalem, Michel Paul.
Mazungumzo ya Doha, matumaini kidogo
Huu sio wakati wa kuwa na matumaini, lakini, muhimu zaidi, ujumbe wa Israeli umesalia Doha. Haya ni matokeo ya moja kwa moja ya shinikizo lililotolewa na Marekani, anasisitiza Michel Paul.
Waziri wa Mambo ya Nje wa Marekani Marco Rubio alizungumza kwa njia ya simu na Waziri Mkuu wa Israeli Benjamin Netanyahu Jumamosi jioni. Mawasiliano kati ya watu hao wawili yanafanyika karibu kila siku… Katika hatua hii, pande zote mbili, Israeli na Hamas, zimekubali kufanya mazungumzo bila masharti. Kwa maneno mengine, Hamas inakubali kujadili mpango uliowasilishwa na Steve Witkoff (miezi miwili ya kusitisha mapigano na kuachiliwa kwa mateka 10), na Waisraeli kwa upande wao wako tayari kujadili kumalizika kwa vita.
Lakini ukweli ni kwamba kila upande unashikilia msimamo wake. Israeli inasema inataka tu kukubali mabadiliko madogo, yasiyo ya msingi. Jambo jipya pekee ni kwamba Marekani itakubali kuwa mdhamini wa Hamas kwa utekelezaji wa makubaliano yoyote yatakayofikiwa.
