John Dramani Mahama amekamilisha ziara yake nchini Mali, Niger na Burkina Faso siku ya Jumatatu, Machi 10, ambapo alijadili hasa “ukweli usioweza kubatilishwa” wa Muungano wa Nchi za Sahel na kuthibitisha “haja” ya “kutambuliwa” kwa AES “na ECOWAS.” Akirejelea muungano wa nchi hizi tatu za Saheli wakati ECOWAS bado inajaribu kuziunganisha tena katika safu zake, maneno yake hayajaungwa mkono. Yanawezaje kueleweka na ziara yake inaweza kuwa na matokeo gani?
Imechapishwa:
Dakika 2
Matangazo ya kibiashara
“Ni mpango wa rais wa Ghana ambao unamhusu peke yake”: hii ndiyo, kimsingi, kile maafisa kadhaa wa ECOWAS wanasema, ambao wanahakikishia kwamba ziara yake katika nchi hizi tatu za Muungano wa Nchi za Sahel (AES), kati ya Jumamosi 8 na Jumatatu 10 Machi, haikuratibiwa. Ziara hiyo “ilishtumiwa,” kulingana na baadhi ya vyanzo ambavyo havukufurahishwa na ziara hii… ECOWAS, ambayo imejitolea hadi mwezi Julai mwaka huu kujaribu kuzishawishi Mali, Niger na Burkina Faso kurejea katika safu yake, haijajibu rasmi maoni yake.
John Dramani Mahama alikutana na viongozi wa AES mara tu baada ya kumtembelea Rais wa Côte d’Ivoire Alassane Ouattara na bila kuteuliwa na shirika la Afrika Magharibi, ambalo, zaidi ya hayo, limeteua wajumbe wengine – marais wa Togo na Senegal – kwa majadiliano yao na mataifa matatu yaliyojitenga.
“Kuachana kirafiki”
“Ni pendekezo ambalo tumekuwa tukilisikia hapa na pale kwa wiki kadhaa,” anaongeza mtafiti aliye na anuwai ya mawasiliano. Hii inatoa dalili ya jinsi dhamira ya ECOWAS inaweza kuwa katika miezi ijayo: sio tena kurejea kwa nchi hizo tatu kwenye safu yake, lakini kuanzishwa mchakato wa kuishi pamoja kwa amani,” anaelezea. “Kuachana kirafiki kungeruhusu AES kuhifadhi baadhi ya faida za ECOWAS,” mwingine anaelezea. Mstari ambao unaonekana kuendana na matakwa ya rais wa Ghana ambaye alitangaza, wakati wa ziara yake huko Bamako, akitaka “kuimarisha uhusiano na mahusiano kati ya kambi hizi mbili”.
“Ni kama kusema jua linachomoza mashariki! ”
“AES ipo, huo ni ukweli. “Kuitambua ni sawa na kusema kwamba jua linachomoza mashariki!, anasema kwa upande wake mwanadiplomasia kutoka Afrika Magharibi ambaye anafuatilia kwa karibu faili hii Lakini jeshi la AES linataka kwenda mbali zaidi: wanataka AES itambuliwe kama jumuiya ya kiuchumi ya kikanda katika ngazi sawa na ECOWAS au SADC. N ndoto! “, anaongeza mwanadiplomasia huyu.
Hakuna mkuu wa nchi wa Afrika Magharibi ambaye, kwa wakati huu, amejibu kauli za John Dramani Mahama.
