Nchini DRC, hatima ya Waziri wa Sheria Constant Mutamba sasa iko mikononi mwa Bunge. Mwanasheria Mkuu wa Serikali katika Mahakama ya Kitaifa jana, Jumatano, Mei 21, alipeleka shauri hilo Bungeni kuomba kibali cha kumshtaki waziri huyo kwa tuhuma za ubadhirifu wa fedha za umma. Awali, mradi wa dola milioni 29 wa ujenzi wa gereza huko Kisangani, kaskazini mashariki mwa nchi. Kiasi cha dola milioni 19 tayari kimetolewa na kulipwa kwa kampuni, bila uchunguzi wowote.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu wa Kinshasa, Pascal Mulegwa
Mkataba wa kibinafsi ulihitimishwa bila idhini ya Waziri Mkuu au chombo chochote cha usimamizi. Mwendesha mashtaka anarejelea uvunjaji wa utaratibu. Kitengo cha Kitaifa cha Ujasusi wa Kifedha kilizuia uhamisho wa dola za Marekani milioni 19, kwa sababu ya tuhuma. Tatizo lingine lililoibuliwa na mwendesha mashtaka: fedha hizo hazikutoka kwa hazina ya umma, lakini zilitoka kwa Frivao, taasisi inayohusika na kusimamia dola milioni 325 zinazodaiwa na Uganda kwa DRC katika malipo ya vita, mfuko uliyo chini ya usimamizi wa Waziri wa Sheria.
Mivutano
Chama cha Kutetea Haki za Binadamu (ASADHO) kinatoa wito wa tahadhari. Kwa sababu ikiwa waziri amefuja au amejaribu kufuja fedha, “lazima ashtakiwe.” Lakini “ikiwa haya ni madai yaliyotolewa dhidi yake na wanasiasa au wadau wa mahakama, lazima tumpe uungwaji mkono wetu.” Nyuma ya pazia, mvutano kati ya Constant Mutamba na upande wa mashtaka umekuwa ukitanda kwa miezi kadhaa.
Uchunguzi
Mnamo mwezi Novemba 2024, aliagiza uchunguzi wa ununuzi wa jengo huko Brussels na Mwanasheria Mkuu wa Serikali. Kisa hicho kilizua taharuki kabla ya kubainika kuwa ununuzi huo ulikuwa wa mkopo. Je, hili ni jibu kutoka kwa mwendesha mashtaka, miezi sita baadaye? Afisa mkuu wa mahakama ameihakikishia RFI: “Lazima tuzingatie kilio kilichosababishwa na kesi ya waziri, sio uadui.”
