Baraza la Usalama la Umoja wa Mataifa kwa mara nyingine tena limekutana kwa dharura kujadili hali Mashariki mwa Jamhuri ya Kidemokrasia ya Kongo. DRC inaendelea kutoa wito wa kuwekewa vikwazo waasi wa M23 na Rwanda, lakini mkutano huo uliochukua zaidi ya saa tatu, ulimalizika bila uamuzi madhubuti.
Imechapishwa: Imehaririwa:
Dakika 1
Matangazo ya kibiashara
Na mwanahabari wetu huko New York, Loubna Anaki
“Baraza hili ambalo linatazama, linalaani, lakini halichukuwi hatua.” mbele ya wajumbe wa Baraza la Usalama la Umoja wa Mataifa, Waziri wa Mambo ya Nje wa Kongo amesema wazi.
Thérèse Kayi Kwamba Wagner amekosoa kutokuwepo kwa azimio la wazi la kumaliza ghasia nchini Jamhuri ya Kidemokrasia ya Kongo. Anatoa wito wa “kupitishwa kwa vikwazo dhidi ya viongozi wa kisiasa na kijeshi wa Rwanda wanaohusika katika uchokozi huu, vikwazo vya usafirishaji wa maliasili kutoka Rwanda pamoja na kukomesha mapigano na kuondolewa kwa wanajeshi wa Rwanda.”
Hakuna uamuzi thabiti
“Wakati wa mijadala ya kinadharia umekwisha! Ni wakati wa kuzingatia kanuni zinazofafanua taasisi hii: amani, usalama na heshima kwa sheria za kimataifa, amesema waziri huyo. Sheria ya kimataifa ambayo inatumika kwa kila mtu! Kukaa kimya wakati raia wanauawa sio suluhu! “
Rwanda inaandaa mauaji ya wazi na ukatili unaokumbusha nyakati za giza kubwa katika historia yetu. Mnamo Januari 26, nilionya. Leo, maneno haya ni ukweli. Katika saa 48 tu, zaidi ya watu 4,000 waliuawa huko Goma. Haya ndiyo yanayotokea wakati kundi la kigaidi linapochukua udhibiti wa jiji na kuweka utawala wake wa uhalifu chini ya uangalizi wa baraza hili. Visingizio vya kutosha kwa uhusiano wa kitamaduni ambao nyuma yake huficha mtazamo wa kungoja-na-kuona na matokeo ya kusikitisha. Wakati wa maelewano yasiyoisha umekwisha. Ni wakati wa kutenda.
Kutokana na hali hiyo, wajumbe wa Baraza la Usalama walitambua udharura wa hali hiyo na kwa mara nyingine tena wakashutumu vitendo vya waasi wa M23 na ushiriki wa Rwanda. Balozi wa Ufaransa alitaja rasimu ya azimio linalojadiliwa, lakini kwa sasa, hakuna maandishi yanayoonekana kuwa na uungwaji mkono wa kutosha kupigwa kura au kupitishwa.
