Rais wa 79 ya hadhara kuu ya Umoja wa Mataifa Philemon Yang, amesema inafaa kwamba katika mwaka huu muhimu wa 80 wa Hadhara Kuu ya Umoja wa Mataifa, uongozi unapaswa kuangukia mikononi mwa mtu ambaye taaluma yake imefafanuliwa na dhamira isiyoyumbayumba ya ushirikiano wa pande nyingi.
Yang amesema Baerbock aliwahi kuwa waziri wa mambo ya nje wa Ujerumani wakati wa mojawapo ya vipindi vya misukosuko katika kumbukumbu za hivi karibuni na bila shaka uzoefu wake katika usukani wa diplomasia katikati ya hali ya kutokuwa na uhakika katika ngazi ya kimataifa utasaidia vyema hadhara kuu ya Umoja wa Mataifa.
Baada ya kuchaguliwa, Annalena Baerbock amesema leo tunaishi katika nyakati zenye changamoto na tunatembea kwenye njia ngumu ya kutokuwa na uhakika. Amesema wakati wa kuundwa kwa Umoja wa Mataifa, miaka 80 iliyopita, unatukumbusha kwamba tumeishi katika nyakati ngumu hapo awali, na ni wajibu wetu kukabiliana na changamoto hizi.
“Wakati tukiwa tunahitaji kuwa na ujasiri, malengo makuu, na kuwa tayari kupitisha maamuzi magumu, mpango wa UN80 haupaswi kuwa zoezi la kupunguza gharama tu. Lengo letu la pamoja ni kuwa na shirika lenye nguvu, makini, mahiri na linalofaa kwa madhumuni, ambalo lina uwezo wa kutimiza malengo yake ya msingi. Tunahitaji Umoja wa Mataifa unaoleta amani, maendeleo na haki.”
Bearbock: Rais ajaye wa Baraza la Umoja wa Mataifa
Annalena Baerbock amesema huu ni wakati wa viongozi wa Umoja wa Mataifa kuungana, kutafuta suluhu ya pamoja na kuchukua hatua kukabiliana na changamoto hizi. Dira ya rais mteule Baerbock, ‘Better Together,’ – “Bora Pamoja”, ni kilio cha kuuhamasisha ulimwengu wa leo na mfumo wa kimataifa wa kutatua matatizo unaojumuishwa na Umoja wa Mataifa kushughulikia changamoto hizi.
“Amani na usalama sio nguzo pekee ya Umoja wa Mataifa, lakini amani na usalama, maendeleo na haki za binadamu ni masuala yaliyofunganishwa pamoja, na tunajua kutoka kwa miaka 80 iliyopita kwamba amani endelevu inategemea maendeleo endelevu.” Alisema Baerbock.
Akizungumza baada ya Baerbock kuchaguliwa katika wadhifa wake mpya, Katibu Mkuu wa Umoja wa Mataifa António Guterres amesema, “Huu ni wakati wa sisi kuungana, kubuni na kutafuta suluhu ya pamoja na kuchukua hatua kukabiliana na changamoto hizi. Dira ya Rais Mteule Baerbock, ‘Better Together,’ ni kilio cha kuhamasisha kwa ulimwengu wa leo na mfumo wa kimataifa wa kutatua matatizo unaojumuishwa na Umoja wa Mataifa kushughulikia changamoto hizi.”
Baerbock ataka Umoja wa Mataifa uwe wa kisasa
Katika mahojiano mapana aliyofanyiwa na shirika la utangazaji la DW, Baerbock alisisitiza haja ya kuufanya Umoja wa Mataifa kuwa wa kisasa ili kuhakikisha unasalia kuwa muhimu na wenye ufanisi katika kushughulikia changamoto za kisasa za kimataifa, ikiwa ni pamoja na amani, usalama na haki za binadamu. Hii ni pamoja na kurahisisha taasisi mbalimbali za Umoja wa Mataifa kufanya kazi kwa ufanisi zaidi.
“Tunapaswa kujiuliza maswali ya kina sana,” alisema. “Ina maana gani kuwa na taasisi nyingi tofauti, kuona jinsi tunavyoweza kuwa na miundo hii kwa ufanisi zaidi, pia kuwa sahihi zaidi katika kazi yetu.”
Akiwa ni mwanamke wa tano kushika wadhifa wa urais wa Baraza Kuu la Umoja wa Mataifa, Baerbock aliangazia msukumo wa kuwa na Katibu Mkuu mwanamke, akionyesha dhamira pana ya usawa wa kijinsia ndani ya majukumu ya uongozi wa Umoja wa Mataifa. “Nimesikia wito mkali kutoka kwa wajumbe wengi hapa New York wakisema, sasa ni wakati wa mwanamke.”
Baerbock ataka Umoja wa Mataifa kuwa wa kisasa zaidi
Waziri huyo wa zamani wa mambo ya nje wa Ujerumani pia alisisitiza umuhimu wa kujenga maelewano kati ya nchi wanachama, hasa wakati huu wa mgawanyiko wa kisiasa. Baerbock analenga kutengeneza na kukuza mazingira ambapo mitazamo mbalimbali inaheshimiwa, ikilenga malengo ya pamoja badala ya migawanyiko.
“Jukumu la rais ni kuona jinsi gani unaweza kujenga walio wengi, makubaliano. Makubaliano haimaanishi kuwa na umoja katika kila mada, lakini makubaliano mapana ya jumuiya ya kimataifa.”
Baerbock kushawishi zaidi kuhusu amani na usalama wa dunia
Umoja wa Mataifa unakabiliwa na changamoto za kifedha, hasa kutoka kwa nchi kuu wanachama kufikiria upya michango yao. Baerbock inatetea uboreshaji wa kisasa ambao sio tu kwamba unatafuta ufadhili mpya lakini pia hufanya shirika kuwa na ufanisi zaidi na wa gharama nafuu.
“Kama kuna nchi wanachama na hasa nchi kubwa wanachama wakitangaza kwamba wanaweza kupunguza michango, ni wazi shirika lazima lishughulikie. Ina maana gani kuwa na taasisi nyingi tofauti, kama kwa mfano, tunayo kwa suala kubwa la uhamiaji, shirika linalowahudumia wakimbizi, UNHCR, tunayo IOM, shirika la uhamiaji, kisha UNICEF, shirika kubwa linalowahudumia watoto pia linashughulika sana na watoto ambao wanapaswa kuhama au kukimbia na kuona jinsi tunavyoweza kuwa na miundo hii kwa ufanisi zaidi, na kuwa na umakini zaidi kazini pia.”
Baerbock alisema anapanga kuongeza ushawishi wa Baraza Kuu, hasa katika masuala ya amani na usalama, hasa wakati Baraza la Usalama haliwezi kuchukua hatua kutokana na kura za turufu. “Kutumia jukumu hili kwa umakini zaidi, ikiwa kuna kizuizi katika Baraza la Usalama, tayari kumekuwa na hatua kadhaa huko nyuma, ikiwa kuna kura ya turufu, lazima kuwe na maelezo katika Baraza Kuu.”
