Shambulio la Urusi dhidi ya basi dogo lililokuwa limebeba raia kaskazini mwa Ukraine limesababisha vifo vya watu tisa na wanne kujeruhiwa, mamlaka ya eneo hilo imesema leo Jumamosi, Mei 17.
Imechapishwa:
Dakika 1 Wakati wa kusoma
Matangazo ya kibiashara
“Ndege ya adui imeshambulia basi dogo karibu na Bilopillia, na kuua watu tisa na kujeruhi wanne,” utawala wa kijeshi wa eneo la mpaka la Sumy umesema kwenye Telegram, ukiweka picha za mabaki ya basi dogo barabarani.
Gari hilo “lilikuwa likielekea Sumy,” kimesema chanzo hicho, ambacho hapo awali kilizungumza “shambulio la kijinga la Urusi kwenye basi lililokuwa limebeba raia.”
Eneo la Sumy, ambalo linapakana na Urusi, limekuwa likikabiliwa na ongezeko la mashambulizi ya mabomu ya Urusi tangu vikosi vya Ukraine vilipofukuzwa mwezi Machi kutoka eneo la Urusi la Kursk, ambalo vikosi vya Ukraine vinashikilia sehemu ndogo tangu majira ya joto ya 2024.
Hakuna usitishaji mapigano
Wakikutana siku ya Ijumaa mjini Istanbul kwa mazungumzo yao ya kwanza ya amani tangu majira ya kuchipua 2022, wajumbe wa Urusi na wale wa Ukraine walikubaliana juu ya mabadilishano makubwa ya wafungwa, “kwa kiwango cha 1,000 kwa 1,000,” kulingana na mjumbe wa Urusi Vladimir Medinsky.
Lakini mkutano huo ulimalizika bila tangazo la kusitisha mapigano, licha ya kuwa “kipaumbele” kwa Kyiv na washirika wake. Pande zote mbili lazima sasa “zitoe maelezo” ya maono yao ya kusitisha mapigano, Vladimir Medinski amesema katika hotuba fupi kwa waandishi wa habari.
Mkuu wa ujumbe wa Ukraine, Rustem Umerov, na Vladimir Medinsky walitaja kwamba upande wa Ukraine pia ulijadili mkutano unaowezekana kati ya Marais Volodymyr Zelensky na Vladimir Putin – ambao ungekuwa wa kwanza tangu kuanza kwa uvamizi wa Urusi – na mjumbe wa Urusi akisema tu kwamba Moscow “imezingatia ombi hili.”
