Vaticani inajiandaa kwa ajili ya mazishi ya Papa Francis, kiongozi wa kanisa Katoliki aliyeaga dunia mapema wiki hii yatakayofanyika Jumamosi asubuhi mjini Roma. Siku ya Ijumaa waumini laki kadhaa walikusanyika mbele ya Kanisa kuu la Mtakatifu Petro na njiani kuelekea kwenye Kanisa kuu la Mtakatifu Maria Meja, ambako atazikwa.
Imechapishwa:
Dakika 1
Matangazo ya kibiashara
Hii kimsingi ni changamoto ya kiusalama, anaandika mwandishi wetu maalum huko Roma, Daniel Vallot, kwani Jumamosi, Aprili 26, ni siku muhimu kuhakikisha usalama wa wakuu wa nchi ambao watahudhuria mazishi, na bila shaka mahujaji na waumini ambao watakusanyika Jumamosi.
Wengi wa wakuu wa nchi zaidi ya hamsini na wafalme kumi ambao hadi sasa wamethibitisha kuhudhuria mazishi hayo, akiwemo Rais wa Marekani Donald Trump, Rais wa Ufaransa Emmanuel Macron, Rais wa Argentina Javier Milei na Prince William, walikuwa tayari wanatarajiwa mjini Roma siku ya Ijumaa. Rais wa Ukraine Volodymyr Zelensky alitangaza kuwa hana uhakika “atapata muda” wa kuhudhuria mazishi hayo.
Mbali na polisi, wafanyakazi wa kujitolea wapatao 2,000 wanahusika na ulinzi wa raia, pamoja na wasaidizi wa kwanza ambao pia watakuwa tayari kuwaongoza waumini au kuwasaidia wakati wamishtuko. Hali ya hewa inatarajiwa kuwa tulivu, lakini umati unatarajiwa kuwa mkubwa. Waaminifu wa kwanza walitarajiwa kuwasili eneo hilo t5:30 asubuhi.
Changamoto kuu
Tangu Jumatano, zaidi ya watu 150,000 tayari wamekusanyika kabla ya mwili wa kiongozi huyu wa kanisa Katoliki duniani kutoka Argentina, kulingana na Vatican. Kadinali Kevin Farrell, “camerlengo” ambaye anaendesha shughuli za kila siku za Vaticani hadi papa mpya atakapochaguliwa, ataongoza “ibada ya kufunga jeneza.”
Kwa hiyo changamoto ya vifaa na usalama ni kubwa kwa Vaticani na mamlaka ya Italia, lakini hata hivyo idadi hii iko mbali na umati mkubwa wa watu waliohudhuria mazishi ya John Paul II miaka ishirini iliyopita. Wakati huo, watu milioni kadhaa walimiminika Roma kwa siku chache tu na watu walilazimika kungoja masaa kadhaa ili kuingia kwenye Kanisa Kuu la Mtakatifu Petro.
Kwa kawaida mapapa huzikwa katika Basilika la Mtakatifu Peter ambako tayari mapapa 91 wamezikwa. Kwa kawaida mapapa huzikwa katika Basilika la Mtakatifu Peter ambako tayari mapapa 91 wamezikwa.
