Nchini Senegal, Bunge la taifa limepitisha kwa kauli moja sheria inayomruhusu Rais wa Jamhuri kuidhinisha makubaliano kati ya Senegal na Morocco, ambayo yananuiwa kutoa msaada kwa wafungwa, hasa wahamiaji, na kuidhinisha uhamisho wa pamoja wa wafungwa kati ya nchi hizo mbili.
Imechapishwa:
Dakika 1
Matangazo ya kibiashara
Na mwandishi wetu wa habari huko Dakar, Léa-Lisa Westerhoff
Serikali hivi majuzi ilitangaza kwamba Rais wa zamani Macky Sall, ambaye amekuwa akiishi Morocco tangu kuondoka madarakani, “atakabiliwa na mkono wa sheria,” makubaliano haya yalifanya, kwa wakati fulani, kuamini kwamba yanaweza kutumika katika muktadha wa uwezekano wa mashtaka dhidi yake.
“Sheria hii haimlengi Rais wa zamani Macky Sall, ambaye anaishi Morocco,” wamesema wabunge waliopewa nafasi ya kuzungumza kwenye jukwaa, kama vile Aissata Tall Sall, Waziri wa zamani wa Sheria na mwakilishi mteule wa chama cha Macky Sall: “Lakini kwa nini Rais Macky Sall ghafla yuko katikati ya mjadala huu?” Ilikuwa ni lazima kwa Rais wa Tume kutoa taarifa kwa vyombo vya habari kusema kwamba Rais Macky hahusiki na makubaiano haya. “
Makala ishirini na nne
Kama ilivyoainishwa katika vifungu 24 vinavyounda mkataba huu, nakala inatumika kudhibiti uhamishaji na usaidizi wa kibalozi kwa wafungwa. Amadou Ba, Mbunge wa Pastef, anasema pamoja na wafungwa 300 wa Senegal nchini Morocco na jumuiya ya watu 200,000, ilikuwa ni lazima kujaza ombwe hili la kisheria: “Hata hivyo kulikuwa na wimbi la wahamiaji . Tumekuwa na ripoti ya raia wengi wa Senegal ambao waliondoka na kuishia gerezani, au angalau mikononi mwa vyombo vya sheria vya Morocco. Na ilikuwa vigumu sana kwa balozi kufanya kazi bila mfumo wa kisheria unaofaa. Kwa hivyo leo, tuna mfumo huu wa kisheria na utaturuhusu kuwasaidia vyema Wasenegali. “
“Hasira”
Ni usaidizi gani umepangwa kwa ajili ya watoto wadogo wa Senegal waliozuiliwa Uhispania au Wasenegali 400 nchini Mauritania, baadhi ya wabunge wameuliza? Waziri wa Mambo ya Nje na Wasenegali walio Nje ya Nchi, Yacine Fall, alihakikisha jana kwamba majadiliano na Nouakchott yalikuwa yanaendelea na kwamba alielezea “kukasirishwa kwake na unyanyasaji wa kinyama waliotendewa” watu wa nchi yake nchini Mauritania.
